Lafz

Vo nigaho se haal samajh lete hai;
Hum alfaz se mizaz bhi nahi!!
                --Mahira

Gale lagja

Amanat k taur pe chodd aayi hu baahen aapki;
Aagosh mein khud ko bhi lene ki  gustaakhi na karna
                 #Mahira

Jannat

Sach kehte log jannat paane k liye bhi marna padta hai,
aap pe marke ek jannat to jee li maine!

                --Mahira

Kabr

Kuch chehre dafn hai baai aur mere seene  mein,
Naa jaane kitni kabr khod aai hu mein!!

                                                           -Mahira

Chand

Mera mehboob bhi chand ki tarah hai,
Use bhi pataa nahi chalta use dekh mein kya likhti hu!

Yaad hai

Vo khayal jo mere zubaan pe aaya hi nahi,
Vo raat jo maine uss tarah bitaayi hi nahi,
Vo ahsaas jo mujhe kabhi hua hi nahi,
Vo lams jisne mujhe chua hi nahi,

Mujhe yaad hai!

Lams - a sense of touch

Shayad

Shayad kisi aur tareeke se jeeni thi ye zindagi mujhe;
Baik waqt hai tumhara aur ye khayal kaa saamne aana!

Baik waqt - simultaneous.

Safar

Ek aur safar se laut aai mein;
Ek mohabbat fir peeche chodd aai mein!

Naam hai

In baarish ki boondo mein, inse bheegi hamari zulfo mein;
Is mitti ki narmi mein, inse mehekti kisi ki khushbu mein;

Ek naam hai!

Kaafir dil

Dil bhi kaafir hai mera kisi aur ko andar rakh baitha hai;
Humse aansu lekar vo unhe hasaata rehta hai.!!